Erdogan flet me Putinin, bisedojnë për tërmetin dhe luftën Ukrainë-Rusi

Presidenti i Turqisë, Recep Tayyip Erdogan, ka biseduar në telefon me presidentin rus Vladimir Putin.

Temë e bisedës së Erdoganit me Putinin ishte në lidhje me tërmetin që goditi Turqinë pak javë më parë dhe zhvillimin e luftës Rusi-Ukrainë, që filloi sot, një vit më parë, përcjell Klankosova.tv.

“Presidenti Erdogan falënderoi Presidentin Putin për solidaritetin e tij me Turqinë për tërmetet”, thuhet në njoftimin e presidencës turke.

Erdogan theksoi nevojën e arritjes së një paqeje të drejtë për të parandaluar humbjet e mëtejshme të jetëve dhe shkatërrimet.

“Duke shprehur dëshirën e sinqertë të Turqisë për ringjalljen e marrëveshjes së arritur në Stamboll, Presidenti Erdogan vuri në dukje se Ankaraja është e gatshme të ofrojë çdo lloj mbështetjeje në këtë drejtim”.

Klikoni KËTU për t’u bërë pjesë e kanalit zyrtar të Klan Kosovës në Viber.

Klikoni KËTU për ta shkarkuar aplikacionin e Klan Kosovës në Android, dhe KËTU për iOS.