Eksperti i sigurisë për vrasjen në Gllogjan: Cak i sulmit ishte shoferi, dy vrasjet tjera ndodhën aksidentalisht (VIDEO)

Eksperti i sigurisë për vrasjen në Gllogjan: Cak i sulmit ishte shoferi, dy vrasjet tjera ndodhën aksidentalisht (VIDEO)

NULL NULL
2 months më parë

Eksperti i sigurisë, Agim Musliu, ka thënë se për vrasjen e trefishtë që ndodhi në Gllogjan, cak i sulmit ishte shoferi, kurse sipas tij, dy vrasjet tjera ndodhën aksidentalisht.

“Pa marrë parasysh asnjë krim, nuk mund të jetë i përkryer dhe i planifikuar në mënyrë të përkryer. Mendoj që në bazë të asaj që kemi parë nga mediat në vend të ngjarjes ose në ballinën e autobusit, ku është xhami më i madh, vrasësi ka pikasur shoferin e autobusit, por i kanë ikur edhe dy plumba anash. Me ata dy plumba që është gjuajtur shoferi janë vrarë edhe dy të rinjtë tragjikisht”.

“Në fotografi mund të shihni që rreth shoferit është një rreth koncentrik prej pesë plumbave dhe targeti primar i vrasësit ka qenë shoferi. Ne mund të flasim edhe për motivin e tij dhe të paragjykojmë, por derisa të gjindet vrasësi dhe të përcaktohet motivi, nuk mund të dimë pse janë vrarë këta njerëz në një vend të banuar”.

Musliu, në Rubikon në Klan Kosova, ka thënë që bazuar në rrethanat – vrasësi e ka pasur edhe një ndihmës.

“Për çudi, është mungesë e besimit ndoshta tek organet e policisë dhe ndjekjes. Askush nuk di asgjë që është e pamundur në një krim ose vrasje. Vrasësi ose porositësi është gjithmonë afër. Nuk mund të jetë jashtë rrethit të parë të të vrarëve. Rrethi i parë është që është shumë afër atyre që janë vrarë, mund të jetë komshi, kushëri, mik ose i njohur, por aty diku është, s’mund të jetë jashtë atij rrethi – dorasi ose porositësi”, ka thënë Musliu.