Ekipet mobile ua mundësuan votimin të infektuarve me COVID-19 (VIDEO)

Ekipet mobile ua mundësuan votimin të infektuarve me COVID-19 (VIDEO)

NULL NULL
nga Qendresa Sinani 2 muaj më parë

Afro 250 persona të infektuar e shfrytëzuan të drejtën për të votuar përmes ekipeve mobile në Podujevë.

E vetëm 21 sosh votuan në Mitrovicën Veriore.

Disa mitrovicas e llapjanë nuk mundën të shkojnë për të hedhur votat e tyre pasi ishin në izolim, por këtë e bënë përmes disa ekipeve që ishin shpërndarë në këto dy komuna.

Këta persona ishin të veshur me rroba speciale, ndërkohë që i ndërronin sapo dilnin nga shtëpitë e personave të infektuar.

“Jemi pajisë të gjithë me masa mbrojtëse, maska mbrojtëse duke përfshirë gardërobën, maskat  dhe të gjitha i kemi për një përdorim. Në momentin kur po kemi kontakt, po i ndërrojmë menjëherë veshjet”, tha Ganimete Haxhiu, pjesëtare e grupit.

Gjithsesi, ata që nuk ishin të sëmurë e arritën të shkojnë deri në vendvotim ishin të shumtë, e shpeshherë nuk i respektuan masat anti-pandemi.

E për t’i parë nga afër këto zhvillime, doli vetë ministri i shëndetësisë, Armend Zemaj.

klankosova.tv