Edhe Sllovenia voton sot - Klan Kosova

Na ndiqni në:


Get it on Google Play Download on the App Store

Edhe Sllovenia voton sot

NULL NULL
24/04/2022

Sllovenët do të votojnë të dielën në një zgjedhje parlamentare që pritet të jetë një garë e ngushtë midis partisë së kryeministrit Janez Jansa, që është populiste e krahut të djathtë dhe opozitës së gjelbër-liberalëve.

Rreth 1.7 milionë votues do të zgjedhin nga një sërë partish që konkurrojnë për vende në legjislaturën 90 anëtarësh. Partia Demokratike Sllovene konservatore në pushtet dhe Lëvizja e Lirisë e sapoformuar kanë udhëhequr sondazhet përpara votimit.

Sondazhet, megjithatë, kanë sugjeruar se nuk do të ketë një fitues të qartë në zgjedhje dhe se një qeveri koalicioni do të duhet të formohet pas votimit, e përbërë nga të paktën tre ose katër parti.

Jansha u bë kryeministër pak më shumë se dy vjet më parë, pasi kryeministri i mëparshëm liberal dha dorëheqjen.

Jansa që atëherë është përballur me akuza për rrëshqitje drejt sundimit autoritar në stilin e aleatit të tij, kryeministrit hungarez Viktor Orban. Jansa u vu nën vëzhgimin e BE-së mes raporteve se ai ushtron presion ndaj kundërshtarëve dhe mediave publike dhe instaloi njerëz besnikë në pozicione kyçe për kontrollin mbi institucionet shtetërore, përcjell Klankosova.tv

Sfiduesi kryesor i së dielës është ish-ekzekutivi i biznesit i arsimuar në ShBA, Robert Golob dhe partia e tij Lëvizja e Lirisë. Partia ka mbrojtur tranzicionin e energjisë së gjelbër dhe zhvillimin e qëndrueshëm mbi narrativen e Janshës me në qendër kombin.

Mbikëqyrësi i demokracisë Freedom House tha së fundmi se “ndërsa të drejtat politike dhe liritë civile respektohen përgjithësisht në Slloveni, qeveria aktuale e krahut të djathtë ka vazhduar përpjekjet për të minuar sundimin e ligjit dhe institucionet demokratike, duke përfshirë median dhe gjyqësorin.

Jansa e ka mohuar këtë, duke e portretizuar veten si viktimë e një komploti të përpunuar shpifjeje të majtë. Për të lustruar imazhin e tij përpara zgjedhjeve, Jansa është distancuar nga Orban dhe ka marrë një qëndrim të ashpër ndaj Rusisë për pushtimin e Ukrainës.

Ditë më parë u raportua për një skandal financiar, ku ishte I përshirë ambasadori Kosovar në Kroaci, Martin Berishaj, I cili thuhej se ka transferuar 600 mijë euro te politikani slloven, kryetari I Partisë së Lirisë, Rober Golog.

Ndërkaq Golob, i ka hedhur poshtë pretendimet dhe theksoi se njeriu i përmendur si ndërmjetës, pra Martin Berishaj, është mik i kryeministrit slloven, Janez Jansha.