Dy burra mohojnë se kanë spiunuar në Britani për shërbimin e inteligjencës së Hong Kongut

Dy burra mohuan të enjten akuzat për ndihmë ndaj shërbimit të inteligjencës së jashtme të Hong Kongut në Britani përpara një gjykate në Londër.

Chung Biu Yuen, 64 vjeç dhe Chi Leung Ëai, 39, i njohur gjithashtu si Peter Ëai, u deklaruan “të pafajshëm” në Old Bailey për dy akuza sipas aktit të sigurisë kombëtare të Britanisë, një ligj i miratuar vitin e kaluar për të dhënë kompetenca të reja për të synuar kërcënimet nga shtetet e huaja.

Burrat, shtetas të dyfishtë kinezë dhe britanikë, akuzohen se kanë ndihmuar një shërbim të huaj të inteligjencës midis dhjetorit të vitit 2023 dhe majit të këtij viti duke u “pajtuar për të ndërmarrë mbledhjen e informacionit, mbikëqyrjen dhe aktet e mashtrimit” në Britani.

Ata akuzohen gjithashtu për “ndërhyrje të huaja” duke detyruar hyrjen në një adresë banimi më 1 maj.

Policia ka thënë se veprimet e supozuara janë kryer në emër të shërbimit inteligjent të Hong Kongut, një ish-koloni britanike. Ambasada kineze në Londër ka akuzuar Britaninë për fabrikim të akuzave dhe tha se nuk kishte të drejtë të ndërhynte në punët e Hong Kongut.

Yuen është një oficer policie në pension në Hong Kong dhe një menaxher në Zyrën Ekonomike dhe Tregtare të qytetit në Londër. Ëai punoi si oficer i Forcave Kufitare të Mbretërisë së Bashkuar dhe si oficer vullnetar me kohë të pjesshme për Policinë e qytetit të Londrës.

Gjyqi i tyre, që pritet të zgjasë katër javë, është caktuar përkohësisht për 10 mars.

Një burrë i tretë i cili u akuzua për të njëjtat vepra, Mattheë Trickett, 37 vjeç, një ish-marins britanik i cili punonte si oficer emigracioni dhe hetues privat, u gjet i vdekur në një park në Maidenhead, në perëndim të Londrës, në maj.

Hong Kongu ishte nën sundimin britanik për 156 vjet përpara se t’i rikthehej sovranitetit kinez në vitin 1997, shkruan Reuters, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.