Durrës: Trupi i 64-vjeçarit gjendet pa shenja jete në plazh

Trupi i një 64-vjeçari është gjetur i pajetë në plazhin e Porto Romanos, në qytetin e Durrësit.

Sipas policisë, i moshuari dyshohet se ka pësuar arrest kardiak pasi ka hyrë në ujë.

“Rreth orës 18:30, në Porto Romano, Durrës, shtetasi B. H., 64 vjeç, sa ka rënë në kontakt me ujin kur është futur në det, dyshohet se  ka pësuar arrest kardiak dhe si pasojë ka humbur jetën”, shkruan në njoftim, raporton A2 CNN, përcjell Klankosova.tv.

Grupi hetimor vijon punën për sqarimin e plotë të rrethanave dhe shkakut të humbjes së jetës.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.