Drejtori i Përgjithshëm i Burgjeve të Shqipërisë viziton Shërbimin Korrektues të Kosovës (FOTO)

Sot, Zëvendësuesi i Drejtorit të Përgjithshëm të Shërbimit Korrektues të Kosovës, Sami Gashi së bashku me Zëvendësuesin e Drejtorit të Përgjithshëm të Shërbimit Sprovues të Kosovës, Arsim Tahiri, pritën në takim delegacionin nga Republika e Shqipërisë të përbërë nga Drejtori i Përgjithshëm i Burgjeve, Admir Abrija, Drejtori i Shërbimit Sprovues, Ervin Hoxha, Drejtori Policisë së Burgjeve, Paulin Rajta dhe Zëvendësdrejtori i Burgjeve, Femi Sufaj.

Bëhet e ditur se gjatë takimit u shkëmbyen idetë dhe përvojat më të mira në shumë fusha, si në atë të trajtimit të të burgosurve, fushën e trajnimeve  të stafit , të kontrollit të brendshëm dhe në shumë fusha të tjera me rëndësi për të dyja palët.

Nga ShKK njoftojnë se pas takimit vizituan Qendrën e Paraburgimit në Prishtinë, Qendrën Operative, Njësinë e Intelegjecës dhe Qendrën e Vleresimit dhe u dakorduan edhe për nënshkrimin e një marrëveshjeje bashkëpunimi, në mënyrë që në të ardhmen të realizohen vizita të ndërsjella ekspertësh dhe shkëmbimi i përvojave më të mira për të dyja vendet.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.