Dorëhiqet krejt Komisioni Disiplinor pas publikimit të mesazheve për Mourinhon

I gjithë bordi i Komitetit Profesional Disiplinor të Futbollit në Turqi ka dhënë dorëheqje, pasi janë publikuar mesazhe në WhatsApp ku anëtarët shfaqnin qëndrime të njëanshme ndaj José Mourinhos dhe klubit Fenerbahçe.

Në bisedat e zbuluara, anëtarët ironizonin drejtues të klubeve, dhe shpreheshin se Mourinho “po tolerohej shumë” dhe “do ta bëjnë të paguajë sezonin tjetër”.

Këto deklarata hodhën dyshime serioze mbi paanshmërinë e institucionit disiplinor.

Fenerbahçe ka kërkuar hetim të menjëhershëm nga Federata Turke e Futbollit. Mourinho deri tani nuk ka dhënë një reagim publik.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.