Dokumentet e strukturave paralele nuk kalojnë në kufi (VIDEO)

Një serbe kosovare nuk u lejua të martën të hyjë në Kosovë.

Ajo në pikën kufitare në Merdare kishte prezantuar letërnjoftimin e lëshuar nga strukturat paralele serbe në Nish.

Këtë veprim policia kufitare e Kosovës e bëri duke u bazuar në zbatimin e protokollit për lirinë e lëvizjes të nënshkruar në Bruksel, njofton Klan Kosova.

Ndaj këtij vendimi ishte i menjëhershëm reagimi i kryetarit të Listës Serbe, Slavko Simiq..

Ndërkaq, kryetari i Leposaviqit, Dragan Jabllanoviq, këtë urdhëresë të autoriteteve në Prishtinë po e konsideron si provokim për komunitetin serb.

Kryeminsitri i Serbisë, Aleksandar Vuciq, këtë vendim të qeverisë së Kosovës po e sheh si hakmarrje.

Sipas tij, në këtë mënyrë autoritetet e Prishtinës po mundohen të largojnë vëmendjen nga suksesi i Serbisë në integrimet evropiane.

Kronikë nga Blerta Ahmeti.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.