Dion Berisha zyrtarizohet në Bayern Munich

FC Bayern ka nënshkruar kontratë me futbollistin e kombëtarës së Kosovës U21, Dion Berisha.

Ishte vet klubi bavarez që e konfirmoi këtë lajm përmes rrjeteve sociale.

“Dioni është talent ambicioz dhe ka punuar me përkushtim të madh te ekipi i Augsburgut. Ai ka fituar tashmë përvojë në ligën rajonale dhe ne jemi shumë të kënaqur që ai tani dëshiron ti kap majat  në të ardhmen në futbollin profesionist.”, tha drejtori sportive i Bayern Munich Campus, Halil Altintop, njofton Klankosova.tv.

Dion Berisha pati debutuar me kombëtarën e Kosovës U15 në vitin 2018, ndërsa ishte pjesë e Augsburgut,kurse nga edicioni i ri do të luaj për Bayernin ll me trajner Holger Seitz, që bën gara në ligën rajonale.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.