Digjen tri vetura në kryeqytet (VIDEO)

Tri vetura janë djegur në lagjen “Mati 1” gjatë mesnatës në kryeqytet.

Në pamjet e siguruara nga Klankosova.tv shihet se një veturë është djegur tërësisht, kurse dy që ishin afër saj kanë pësuar më pak dëme.

Në lidhje me rastin, zëdhënësja e policisë për rajonin e Prishtinës, Flora Ahmeti, ka bërë të ditur se përveç dëmeve materiale, nuk ka persona të lënduar.

“Aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë rastin, i cili nga prokurori i shtetit është cilësuar si ‘zjarrvënie’”, është shprehur Ahmeti, njofton Klankosova.tv.