Deputetët e AAK-së i kërkojnë Këshillit të Ambasadorëve Amerikanë liberalizimin e vizave me ShBA-në

Deputetët e Kuvendit të Kosovës nga radhët e AAK-së, kanë pritur sot në takim Këshillin e Ambasadorëve Amerikanë.

Kështu ka bërë të ditur shefi i grupit parlamentar të AAK-së, Besnik Tahiri.

“Bashkë me kolegët deputetë nga AAK-ja, kishim kënaqësinë që në ambientet e Kuvendit të Kosovës të presim në takim delegacionin nga Këshilli i Ambasadorëve Amerikanë. Në takim e falënderuam ShBA-në për mbështetjen në të gjitha etapat duke theksuar se miqësia mes dy vendeve është e përjetshme”, ka thënë Tahiri.

Ai ka bërë të ditur se kanë kërkuar nga ambasadorët amerikanë që të lobojnë për liberalizimin e vizave me ShBA-në.

“Gjithashtu, kërkuam ndihmën e ambasadorëve për lobim në çështjen e liberalizimit të vizave nga ShBA-ja për qytetarët e Kosovës”.

“Ky takim është zhvilluar me ftesë të Këshillit të Ambasadorëve Shqiptarë, të cilët i falënderuam për angazhimin e tyre të jashtëzakonshëm dhe realizimin e kësaj vizite”, ka theksuar ai.

Tahiri ka thënë se synimi i Kosovës është anëtarësimi në NATO.

“Në takim theksuam se synimi i shtetit tonë është anëtarësimi në NATO, proces ky që do të avancojë perspektiven integruese të Kosovës. Partneriteti me Ioëa-n deri më tani ka qenë një tregim suksesi sa i përket bashkëpunimit në forcimin e kapaciteteve ekzistuese të ushtrisë sonë”, ka shtuar Tahiri.

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.