De Biasi: E di që mund të duket marrëzi, por Shqipëria edhe mund ta mposhtë Spanjën

Ish-trajneri i Kombëtares Shqiptare, Gianni De Biasi ishte këtë të premte i ftuar në një intervistë për Euronews Albania ku tha se kuqezinjtë duhet të ndihen shumë krenarë për paraqitjen e tyre në Kampionatin Evropian 2024.

I pyetur se si mund të shkojë përballja e Shqipërisë me Spanjën, De Biasi tha se ekziston mundësia e një fitoreje.

“Lojtarët mund të jenë pak të zhgënjyer nga dy ndeshjet, sepse arritën vetëm 1 pikë. Besoj se paksa trishtim mbetet, por duhet të jenë krenarë. Meqenëse Spanja është kualifikuar mund të tregohet pak më pak e vendosur në rezultatin kundër Shqipërisë”.

“Nëse Shqipëria bën një lojë inteligjente, edhe mund të fitojë ndaj Spanjës. E di që mund të duket një marrëzi ko që sapo thash, por kjo mund të jetë një fitore që të na çojë në raundin e dytë”, tha De Biasi.

Kujtojmë se Shqipëria do të përballet me Spanjën të hënën më 24 qershor në Dyseldorf të Gjermanisë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.