Dasma luksoze e princit të Suedisë (FOTO)

Princi Carl Phili i Suedisë dhe modelja Sofia Helleqvist kanë lidhur kurorë në pallatin mbretëror të Stokholmit. Të ftuarit e shumtë janë mbledhur në një ceremoni madhështore dhe tepër luksoze dhe kanë asistuar që një vajzë e thjeshtë të shndërrohet në princeshë.

Helleqvivist është 30 vjeçare dhe dikur ishte pjesëmarrëse në një reality show. Ajo është modele dhe instruktore e joga.

Ditën e dasmës së saj ajo ka veshur një fustan madhështor nga stilisti suedez, Ida Sjostedt, i cili ishte i tëri i mbuluar me dantellë luksoze. Pamja e saj është kompletuar me një kurorë elegante mbretërore me diamante dhe smeralde.

Gjatë kurorëzimit, çifti kanë pasur një incident, pasi princi i vendosi gabimisht unazën në gisht nuses së tij. Pas pak vështirësive, ai arriti ta heqë unazën nga gishti i gabuar dhe e vendosi në gishtin e duhur.

Çifti tanimë mbretëror, janë njohur në një klub nate në vitin 2010, dhe dje vajza e thjeshtë ka marrë titullin Princeshë Sofia e Suedisë, Dukesë e Varmland-it.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.