16:10, 22 Gusht 2019

Ministri i Jashtëm serb, Ivica Daçiq sot në Beograd, në takime të ndara me disa ambasadorë serbë, i informoi ata për situatën në Kosovë, ndërprerjen e dialogut, bllokimin e procesit të Brukselit dhe arritjen e një zgjidhjeje kompromisi.

Shefi i diplomacisë serbe foli veçmas me ambasadoren e Serbisë në Danimarkë, Jasmina Mitroviq- Mariq, ambasadorët serbë në Liban, Elmir Elfiq, Kenia, Dragan Zhupanjevac, Bjellorusi – Veljko Kovaçeviq dhe Emiratet e Bashkuara Arabe, Stanimir Vukiçeviq.

Ai gjithashtu theksoi rëndësinë e vizitës së presidentit serb, Aleksandar Vuçiq në Shtetet e Bashkuara dhe takimet që ai pati në New York, thuhet në deklaratën e Ministrisë së Jashtme të Serbisë.

Daçiq përsëriti përparësitë e politikës së jashtme të Serbisë dhe kërkoi angazhimin e shtuar të ambasadorëve në përputhje me interesat kombëtare të Serbisë, transmeton Klan Kosova.

Konkurs Pune

Lexo më shumë