Çka u diskutua mbrëmë në takimin pozitë-opozitë?

Pozita dhe opozita kanë pasur një takim të gjatë të hënën pasdite.

Në një takim ku qasje nuk kanë pasur as mediat, kanë diskutuar për temat aktuale politike nënkryetarët e partive politike në vend.

Por për çfarë u diskutua aty ka treguar Naim Rashiti nga Grupi Ballkanik për Politika, i cili edhe e ka organizuar këtë takim.

“Ishte takim shumë i gjate dhe jo i lehtë; u diskutuan temat e rëndësishme, dialogu me Serbinë, Asociacioni i komunave me shumice serbe, marrëveshja e Demarkacionit, zgjedhjet, legjislacioni kritik, Rregullorja e Kuvendit dhe procesi i vazhdimit të këtij dialogut”, ka shkruar Rashiti në profilin e tij në Facebook.

Takimi ndërmjet pozitës dhe opozitës ka nisur dje në mesditë dhe ka zgjatur deri në orët e vona të natës.

klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.