City pa tre lojtarët kryesorë për sfidën ndaj Leipzigit

Manchester City nuk do të mund të llogarisë në tre lojtarë për përballjen ndaj RB Leipzig, në kuadër të 1/8 së finales në Ligën e Kampionëve.

Kevin de Bruyne, John Stones, Aymeric Laporte, nuk janë përfshirë në listën finale të Cityt, që do të udhëtojë për në Gjermani.

Ndërkohë, është hera e parë që do të jetë me ekipin, talenti argjentinas Maximo Perrone, i cili u transferua gjatë afatit kalimtar të janarit.

Takimi do të zhvillohet nesër, në stadiumin “Reb Bull Arena”, me fillim nga ora 21:00.