Çaushi: Molliqaj ende s’është liruar, shteti frikëson qytetarët

Driton Çaushi, nënkryetari i Lëvizjes Vetëvendosje, ka thënë për InfoMagazinën se subjekti i tij politik nuk ka konfirmim se Dardan Molliqaj, sekretari i përgjithshëm VV-së, i cili  u arrestua sot – të jetë liruar.

Ai tha se Molliqaj është arrestuar pa ia dhënë ndonjë arsye.

“Kjo tregon se policia e ka shkelur ligjin duke dëshmuar kështu se ata janë të instrumentalizuar nga Qeveria”.

Duke folur për protestën e fundit, Çaushi ka thënë se shteti përpiqet me çdo mënyrë që t’i frikësojë qytetarët që të mos dalin në rrugë, duke i arrestuar ata.

Nënkryetari i VV-së ka thënë se kërkesat e protestës kanë qenë legjitime dhe se pjesëmarrja e opozitës si tërësi është plotësisht legjitime. Sipas tij, nesër do të organizohet një konferencë ku do të tregohen detajet tjera të hollësishme për protestat e radhës.

I pyetur pse nuk kanë protestuar sot, më 1 Maj, ai ka thënë se nuk e kanë bërë këtë për shkak se qytetarët e ndërlidhin këtë festë me një periudhë të kaluar kohore.

Çaushi ka folur edhe për akuzat e DioGuardit, për të cilat mendon se “e kanë konfirmuar realitetin e hidhur të cilin po e jetojmë në Kosovë”.

Për largimet e fundit që kanë ndodhur në Lëvizjen Vetëvendosje, nënkryetari i saj ka thënë se është shumë legjitime që dy – tre njerëz në një organizatë të madhe të largohen për arsye të tyre”.

 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.