Borrell: Dialogu Kosovë-Serbi në nivel të lartë të rifillojë sa më shpejt (VIDEO) NULL NULL nga Besnik Tahiri 01.12.2021 15:31 nga Besnik Tahiri 01.12.2021 15:31 Në ditën e dytë të Samitit të NATO-s në Riga të Latvisë është i ftuar kryesor. Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka diskutuar në pjesën speciale të takimit që i kushtohet Ballkanit Perëndimor. Në krye është procesi dialogues mes Kosovës dhe Serbisë, proces që Borrell e lehtëson e i cili nuk po shkon mirë pasi tash e sa muaj po tentohet të organizohet një takim liderësh në Bruksel. “Kur flasim për Kosovën dhe Serbinë kishim shumë tensione në muajt e fundit. Tani situata është më e qetë, por nevoja për vazhdim, pra kthim në dialog, është e madhe. Nuk ka mënyrë tjetër për të stabilizuar situatën”, ka deklaruar Borrell. Kryediplomati i Evropës thotë se shqetësimi më i madh për Aleancën Veri-Atlantike dhe Unionin Evropian është situata në Bosnje e Hercegovinë. “Ballkani Perëndimor mbetet një rajon strategjik për Bashkimin Evropian. Tre nga vendet e këtij rajoni janë anëtare të NATO-s dhe ne kemi lidhje të fortë me ta në perspektivën e zgjerimit të BE-së dhe për arsye të sigurisë. Stabiliteti i këtij rajoni është i rëndësisë së madhe për ne”. Temat tjera që diskutohen në takimin e ministrave të Punëve të Jashtme të vendeve anëtare të NATO-s janë kërcënimet që po vijnë nga Rusia në kufi me Ukrainën dhe kriza e emigrantëve në kufirin Bjellorusi-Poloni. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Dy të vrarë e 6 të plagosur në kryeqytet më 2024 - kritikë për masat ndëshkuese (VIDEO) 2 orë më parë
Kosova “Jam familjare e Kurteshëve, por s’më punësuan ata, u punësova me meritë” (VIDEO) 3 orë më parë