Blinken flet para Senatit: Marrëveshja e Ohrit, lëviz pesëshen e BE-së drejt njohjes së Kosovës

Sekretari Amerikan i Shtetit, Antony Blinken, ka thënë sonte se me arritjen e marrëveshjes së planit evropian në Ohër, pesëshja mosnjohëse e BE-së, do bëjë lëvizje drejt njohjes së shtetit të Kosovës.

“Fakti që të dyja shtetet tani e arritën këtë marrëveshje, dhe duke supozuar se do ta zbatojnë atë, do të lëvizë 5 vendet e BE-së drejt njohjes së Kosovës’’, ka deklaruar sekretari Blinken, transmeton Klankosova.tv.

Këtë sekretari Antony Blinken e tha gjatë një adresimi të tij sonte në një seancë dëgjimore para Senatit.

Ai u pyet mbi të arriturat e marrëveshjes mes Kosovës dhe Serbisë, nga aneksi i 18 Marsit në Ohër, specifikisht për progresin e Amerikës në lobim për njohjen e Kosovës nga pesëshja mosnjohëse e BE-së.

‘’Është një progres që është bërë mes Kosovës dhe Serbisë’’.

‘’Konkretisht një marrëveshje është arritur vikendin e kaluar, për të implementuar një udhërrëfyes në rrugën drejt normalizimit’’, u shpreh ai mes tjerash.

Ai gjithashtu ka falënderuar kreyeministrin e Kosovës, Albin Kurtin dhe presidentin e Serbisë, Aleksandar Vuçiq për pajtueshmërinë në këtë marrëveshje.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.