Bjellorusia thotë se do të presë armët bërthamore ruse për të kundërshtuar NATO-n

Bjellorusia ka konfirmuar se do të presë armë bërthamore taktike ruse në përgjigje të presionit perëndimor, duke përfshirë sanksionet dhe atë që ajo e quajti një ndërtim ushtarak nga vendet anëtare të NATO-s pranë kufijve të saj.

Deklarata e Ministrisë së Jashtme ishte e para që kur presidenti rus Vladimir Putin tha të shtunën se Moska do të vendosë armë taktike bërthamore në Bjellorusi dhe do të ndërtojë një objekt për ruajtjen e armëve bërthamore atje, shkruan Skynews, transmeton Klankosova.tv.

Kjo do të përbënte edhe dislokimin e parë të armëve bërthamore nga Moska jashtë kufijve të saj që nga shpërbërja e Bashkimit Sovjetik në 1991.

Ministria e Jashtme e Bjellorusisë tha se armët bërthamore të Rusisë ofronin mbrojtje pas asaj që e quajti një fushatë presioni nga Mbretëria e Bashkuar, SHBA dhe aleatët e tyre që synojnë përmbysjen e qeverisë së presidentit, Alexander Lukashenko.

“Gjatë dy viteve e gjysmë të fundit, Republika e Bjellorusisë i është nënshtruar presionit të paprecedentë politik, ekonomik dhe informativ nga Shtetet e Bashkuara, Mbretëria e Bashkuar dhe aleatët e saj në NATO, si dhe nga shtetet anëtare të Bashkimit Evropian” thuhet në deklaratën e ministrisë.

Minsk tha se planet ruse nuk do të bien ndesh me marrëveshjet ndërkombëtare të mospërhapjes, sepse vetë Bjellorusia nuk do të kishte kontroll mbi armët bërthamore.

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.