Bërnabiq: As Brukseli, Uashingtoni e as Prishtina nuk mund t’i shpëtojnë Asociacionit NULL NULL 06.03.2023 13:35 06.03.2023 13:35 Kryeministrja e Serbisë, Ana Brnabiq, tha se presidenti i Serbisë, Aleksandar Vuçiq, ishte vizionar kur siç tha ajo “10 vjet më parë kërkoi që në marrëveshje të përfshihej edhe formimi i Asociacionit të komunave me shumicë serbe”. Sipas saj, Asociacioni sot është diçka që nuk mund ta refuzojnë sot as SHBA-ja e as Brukseli, por as Prishtina, dhe pa këtë nuk ka zbatim të marrëveshjes, transmeton Klankosova.tv. Ajo tha në TV Happy se në vitin 2013, askush tjetër përveç presidentit të Serbisë nuk e kuptoi rëndësinë e Asociacionit dhe se atëherë të gjithë nënshkruan marrëveshjen, duke theksuar se sot “as Brukseli, as Uashingtoni dhe as Prishtina nuk mund të shpëtojnë nga Asociacioni”. “Është aftësi politike e Aleksandër Vuçiqit, 10 vjet më vonë shtiza po thyhet rreth Asociacionit që Vuçiq e futi në marrëveshje dhe në këtë mënyrë krijoi diçka që mbron Serbinë dhe popullin serb në Kosovë”, theksoi Bërnabiq, transmeton Klankosova.tv Rrini të informuar mbi zhvillimet kryesore duke u bërë pjesë e komunitetit tonë në Viber. BONUS: Merreni aplikacionin tonë në Android dhe iOS.
