Berisha e quan rrenë “kaltërimin” e blindave për polici (VIDEO)

Me gjasë, askush nuk kërkoi që blindat e FSK-së të bëhen të kaltër. E as t’i jepen për shërbim policisë.

Kështu, të paktën, tha sot Bekë Berisha, kryetar i komisionit kuvendar për mbrojtje e siguri. Për më tepër, ai i quajti rrena raportimet për atë çështje.

Ngjyrosja e blindave dhe huazimi i tyre te policia ishte thënë se u kërkua nga ministri i Mbrojtjes. E atë e refuzoi ish-komandanti i FSK-së, Rrahman Rama, i cili, të martën, dha dorëheqje nga posti.

U përfol shumë se largimi i tij nga kjo pozitë u bë pikërisht për shkak të mosrespektimit të kërkesës së bërë nga Armend Mehaj.

Kjo temë, me gjasë, u diskutua kur ky i fundit raportoi në komision, pa praninë e mediave.

Kronikë e gazetarit Florent Zeqaj.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.