Benzema mungon në stërvitje vetëm dy ditë para El Clasico

Ekziston një shqetësim i vërtetë për Real Madridin përpara El Clasico, pasi Karim Benzema nuk ishte në gjendje të stërvitej me grupin kryesor të premten.

Pasi pësoi një goditje në këmbën e tij të djathtë pak para se të shënonte kundër Liverpool të mërkurën, sulmuesi francez nuk ishte në gjendje të stërvitej me shokët e tij në seancën e parafundit përpara ndeshjes së së dielës në Camp Nou, shkruan Marca, transmeton Klankosova.tv.

Ndërsa grupi kryesor kryente ushtrime posedimi, kontrolli dhe taktike në fushë, para se të luante një mini-lojë, Benzema qëndroi brenda ambienteve për të bërë punë individuale.

Pavarësisht kësaj, pritet që ai të përpiqet t’ia dalë për ndeshjen kundër Barcelonës të dielën, që është shansi i fundit i kryeqytetit për të mbajtur gjallë garën për titull.

“Duket sikur është vetëm një goditje dhe ne mendojmë se ai do të kthehet për të dielën”, kështu e përshkroi Carlo Ancelotti çështjen pas ndeshjes me Liverpool.