Bellingham në finale e sheh Anglinë dhe Spanjën NULL NULL 08.07.2024 14:51 08.07.2024 14:51 ude Bellingham i Anglisë feston golin e parë të ekipit të tij me shokun e skuadrës Harry Kane. Fotografia: Michael Regan/UEFA/Getty Images Jude Bellingham është shprehur i bindur se Anglia do të kalojë në finale të Euro 2024. “Tre Luanët”, nuk kanë bindur me paraqitjet e tyre në këtë garë, pasi kanë kaluar kundërshtarët me shumë mund që nga faza e grupeve e deri në këtë të eliminimit direkt. Por, Bellingham është i bindur se Anglia do të kalojë në finale të Kampionatit Evropian, për të dytën herë radhazi, pas asaj të Euro 2020. “Finale Angli – Spanjë? Le të shpresojmë që të ndodhë kështu. Spanja ka luajtur shumë mirë në këtë Evropian, kështu që gjithçka është e mundur”, tha ai. “Gjithsesi unë jam i përqendruar vetëm tek Anglia ime, shokët dhe skuadra. Gjëja më e rëndësishme është që të kualifikohemi në finale”. “Ndaj Zvicrës zhvilluam ndeshjen më të mirë në Gjermani. Jam krenar për shokët e skuadrës, treguam karakter, cilësi që e shfaqëm edhe në goditjet e penalltive, pasi nuk e kishim të lehtë”, u shpreh më tej 21-vjeçari. Anglia përballet në gjysmëfinale me Holandën të mërkurën e javës së ardhshme. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
