Begaj takon Lajçakun, e siguron se Shqipëria do të punojë në deeskalimin Kosovë-Serbi

Presidenti i Shqipërisë, Bajram Begaj, ka takuar sot të Dërguarin e Posaçëm të BE-së për dialogun Beograd-Prishtinë, Miroslav Lajçak, me ç’rast kanë diskutuar për dialogun Kosovë-Serbi.

Në llogarinë e tij në Facebook, Begaj ka thënë se e ka siguruar Lajçakun se Shqipëria mbetet e vendosur që të vijojë të luajë rolin e saj për deeskalimin e situatës së tensionuar midis dy vendeve dhe për rikthimin në tryezën e dialogut, raporton Klan Kosova.

“Roli i BE-së në këtë proces, por edhe në të gjitha zhvillimet e rëndësishme në rajonin tonë, është me rëndësi të veçantë”, ka thënë ai.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.