Begaj: Liberalizimi i vizave për kosovarët është një premtim i vonuar dhe një e drejtë që duhet ta gëzojnë

Presidenti i Shqipërisë, Bajram Begaj, ka thënë që ndjehet i nderuar që ndodhet në vizitën e tij të parë si president në Kosovë.

“Jam i nderuar të jem në Prishtinë, në vizitën e parë si president dhe kjo jo thjesht në respekt të traditës, por edhe si një simbolikë e natyrshme që mishëron lidhjen tonë të pandryshueshme e vulosur nga historia, nga gjuha jonë e përbashkët dhe nga heronjtë tanë ndër shekuj”.

Në një konferencë të përbashkët për media me presidenten Vjosa Osmani, Begaj ka thënë që liberalizimi i vizave është një e drejtë që duhet t’u mundësohet qytetarëve të Kosovës.

“Liberalizimi i vizave për qytetarët e Kosovës është një premtim i vonuar dhe një e drejtë që ata duhet ta gëzojnë si gjithë qytetarët e tjerë të rajonit”, ka thënë Begaj.

Tutje ai tha se në lidhje me këtë e ka siguruar presidenten Osmani Shqipëria do të vijojë mbështetjen e saj për përmbylljen me lajm pozitiv sa më shpejtë të jetë e mundur.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.