Bearman triumfues në Monza

Piloti britanik Oliver Bearman nuk e ka pasur asnjë telashe për të arritur te fitorja në shtegun e Monzas të dielën në Formula 2.

Ai që në fillim arriti ta kap pozitën të cilën më pas e mbajti me shumë sukses deri në fund për të dal i pari përcjell klankosova.tv.

Me këtë rast Bearman arriti tek fitorja e tij e katërt këtë sezon dhe e dyta rresht për ekipin Prema Racing.

Por të dielën më së shumti u dallua japonezi Ayumu Iwasa që nga pozita e 15 arriti të dal në fund i dyti në Itali.

Teksa në vendin e tretë hyri lideri i kampionatit francezi Theo Pourchaire me ekipin e tij Art Gran Prix.

Por garën nuk e përfundoi konkurrenti i tij kryesor në luftën për titull Fredrik Vesti që u godit në muret mbrojtëse.

Deri në fund të kampionatit të Formula 2 ka mbetur vetëm edhe dy gara që zhvillohen me 25 dhe 26 nëntor në Emiratet e Bashkuara Arabe.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.