BE-ja dhe ShBA-ja zotohen të përforcojnë bashkëpunimin për energjinë

Bashkimi Evropian dhe Shtetet e Bashkuara të Amerikës e kanë ripërtërirë angazhimin e tyre për të garantuar siguri energjetike pas një viti të gjatë dhe të vështirë për Evropën.

Lufta në Ukrainë dhe rritja e çmimeve të energjisë janë shkaktarët që kanë thelluar marrëdhëniet energjetike të BE-së me SHBA-në.

Këshilli i Energjisë BE-SHBA u takua në Bruksel dhe diskutoi, në veçanti, perspektivën për dimrin e ardhshëm, duke përfshirë situatën në Ukrainë dhe Moldavi.

Josep Borrell, përfaqësuesi i Lartë i BE-së, dhe Sekretari i Shtetit i SHBA-së, Antony Blinken, përsëritën synimet e tyre si dhe “njohën intensifikimin e paprecedentë të bashkëpunimit, koordinimit dhe shkëmbimeve midis dy palëve në kontekstin e luftës të Rusisë kundër Ukrainës”.

Pjesëmarrësit diskutuan se si të përshpejtohet dekarbonizimi nëpërmjet teknologjive të energjisë së pastër dhe kursimeve të energjisë, duke siguruar që tranzicioni i energjisë së pastër të jetë i drejtë social, shkruan Euronews, transmeton Klankosova.tv.