Basketbollistët festojnë bashkë në Çair

Më 26 dhe 27 nëntor 2024, në palestrën sportive “Shaban Tërstena” në Çair do të zhvillohet një turne i veçantë basketbolli, organizuar nga KB Çair2030, në kuadër të festimeve për përvjetorin e Pavarësisë së Shqipërisë.

Me anë të një postimi në Facebook, klubi bën të ditur se në këtë aktivitet sportiv, i cili përveç garës ka për qëllim edhe promovimin e bashkimit kombëtar dhe frymës sportive, do të marrin pjesë katër klube të mirënjohura të basketbollit:

• KB Çair
• KB Golden Eagle Ylli
• KB Vëllaznimi
• KB Prishtina

Tutje theksohet se turneu do të jetë një mundësi e shkëlqyer për të shijuar një atmosferë festive dhe të pasur me rivalitet sportiv, ku ekipet pjesëmarrëse do të sfidojnë njëra-tjetrën për të nderuar këtë datë historike të kombit shqiptar.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.