Basketbollistët e Kosovës e humbin betejën për Eurobasket 2021

Basketbollistët e Kosovës janë mposhtur nga ata të Britanisë së Madhe me rezultat 101:79.

Kjo përballje ishte shpresa e fundit për Dardanët që të kualifikohen për Kampionatin Europian të vitit 2021, njofton Klan Kosova.

Për t’u kualifikuar në këtë garë, Kosovës i është dashur që të fitojë ndaj Britanisë së Madhe me së paku tetë pikë epërsi.

Padyshim se lojtari i dalluar i skuadrës kosovare ishte kapiteni Dardan Berisha.

Kujtojmë se Kosova të mërkurën fitoi ndaj Luksemburgut me shifrat 109:88 dhe mbajti gjallë shpresat e vogla që i ka pasur për të fituar grupin dhe kështu të avancojë nga raundi i tretë i parakualifikimeve në kualifikimet e rregullta.

Sidoqoftë ajo u mposht sonte nga Britania e Madhe në palestrën e Manchesterit.

klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.