18:14, 14 Prill 2019

Në një rishpërndarje të deklaratës për media të Sekretarit të Përgjithshëm të demokratëve, Gazment Bardhi, ku thuhej ndër të tjera se “grupimi antikushtetues dhe i paligjshëm në pushtet nuk e burgos dhe nuk e ndalon dot popullin”, kryetari i Partisë Demokratike, Lulzim Basha ka dhënë edhe mesazhin e tij.

“Ne jemi deri në fund, në krah të njerëzve që janë ngritur kundër qeverisë-bandë, që bashkë me krimin dhe oligarkët ka vjedhur dhe dhunuar shqiptarët, ka shkatërruar demokracinë dhe shtetin ligjor, e po kërcënon të ardhmen europiane të Shqipërisë”, shkruan Basha.

Reagimi i tij erdhi përmes rrjetit social Facebook, ku theksohet më tej se “fati i qeverisë-bandë është rrëzimi i saj”.

“Krerët e kësaj bande i pret burgu, që sot e kanë mbushur me protestues të pafajshëm”, shprehet kreu i opozitës.

 

Konkurs Pune

Lexo më shumë