Baleti Kombëtar i Kosovës për herë të parë performon në Japoni

Baleti Kombëtar i Kosovës do të ngjitet në skenën e ExpoOsaka në Japoni, me datë 11 qershor 2025, duke shfaqur baletin “Exil” me koreografi nga Eno Peçi.

Kjo ngjarje është pjesë e përfaqësimit zyrtar të Republikës së Kosovës në një nga ekspozitat ndërkombëtare më të rëndësishme në botë, transmeton Klankosova.tv.

Kjo do të jetë hera e parë që Baleti Kombëtar i Kosovës performon në Japoni, një moment historik që shënon zgjerimin ndërkombëtar të prezencës artistike të këtij institucioni dhe promovimin e kulturës së Kosovës në një platformë globale.

“ExpoOsaka 2025” është një ngjarje që bashkon njerëz dhe inovacione nga e gjithë bota, me qëllim që të adresohen çështjet me të cilat përballet njerëzimi në shkallë globale.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.