Bajrami: Kushtetuta shpërbleu serbët, Lista Serbe kancer për politikën kosovare - Klan Kosova


Na ndiqni në:


Get it on Google Play Download on the App Store

Bajrami: Kushtetuta shpërbleu serbët, Lista Serbe kancer për politikën kosovare

NULL NULL
09/04/2018

Një nga hartuesit e Kushtetutës së Kosovës, Arsim Bajrami, ka thënë se Lista Serbe është bërë sëmundje e rëndë për politikën e Kosovës pasi sipas tij vazhdimisht  po e bllokon politikën kosovare.

Bajrami në Info Magazine të Klan Kosovës ndërsa ka komentuar shënimin e 10 vjetorit të hartimit të Kushtetutës së Kosovës ka thënë se serbët e Kosovës në vend që ta përdorin ligjin kushtetues ata po keqpërdorin atë.

”Përpjekja jonë ka qenë të mundësohet ndërrimi i Kushtetutës së Kosovës të bëhej pa votën e dyfishtë”.

”Kushtetuta shpërbleu serbëve të Kosovës. Pakicat nuk i kanë përdorur për destinacion por e kanë keqpërdorur për ta bllokuar shumicën”.

”Serbët në vend që ta përdorin këtë votimin e dyfishtë, ata po e keqpërdorin dhe po e përdorin si një element të bllokimit të shtetit”.

”Atëherë ka pasur mundësi të bëhet më shumë. Fatkeqësisht Lista Serbe është bërë një lloj kanceri në politikën e Kosovës pasi ajo po e shantazhon politikën kosovare”.

”Ka ardhur koha që me Bashkësinë Ndërkombëtare të hapet një debat i sinqeert të një niveli kushtetues. Që të relativizohet shumica e dyfishtë”.

”Nuk është e lehtë ndërrimi i Kushtetuës. Por me keqpërdorimin e të drejtave që ka dhënë Kushtetua shpresoj që të kemi një harmonizim me bashkëpunim ndërkombëtar”/KLANKOSOVA.TV.