Avni Jashari zgjedhet kryetar i Vetëvendosjes në Lipjan NULL NULL 01.07.2018 21:59 01.07.2018 21:59 Avni Jashari është zgjedhur kryetar i Degës së Lëvizjes Vetëvendosje në Lipjan. Sot atje është zhvilluar procesi i brendshëm zgjedhor, prej nga ku Jashari ka marrë besimin për ta drejtuar këtë degë, njofton Klan Kosova. Derisa është shprehur i lumtur për detyrën e marrë, Jashari ka bërë me dije se Lipjanin e presin ndryshime pozitive. “Të dashur aktivist, anëtarë e simpatizant të Lëvizjes VETËVENDOSJE! Tashmë që edhe zyrtarisht përfundoi numërimi i votave në zgjedhjet e brendshme, ndjehem i vlerësuar që nga sot do të jem kryetar i Qendrës së Lëvizjes VETËVENDOSJE! në Lipjan, ju siguroj se nuk do të jem thjesht një kryetar i zakonshëm, por do përpiqem të çoj gjithnjë zërin për çdo problem që e shqetëson qytetarin e Lipjanit”, ka shkruar Jashari në Facebook. “Ndjehem shumë i lumtur që në këto ditë njoha e po njoh njerëz të mrekullueshëm e punëtorë të pa epur brenda Lëvizjes VETËVËNDOSJE! në Lipjan e më gjerë, bëra shumë miq dhe bashkëpunëtorë që ndoshta në rrethana të tjera nuk do t`i nihja”. “Ndryshimet pozitive po e presin komunën tonë, e ato ndryshime vijnë sa herë jemi të bashkuar rreth një ideali dhe rreth një statuti të mirëfilltë siç e ka Lëvizja jonë”. Ai ka thënë se lista me falënderime është e gjatë, por që ka shprehur mirënjohje ndaj secilit aktivist dhe anëtarë që e ka mbështetur. “Ka qenë një muaj shumë i ngarkuar dhe intensiv, e ndoshta nuk kam patur kohë t’u përgjigjem të gjitha mesazheve tuaja. Por besoj më keni mirëkuptuar. Ndjej se duhet të bëj një falënderim të veçantë për liderin e Lëvizjes VETËVENDOSJE! z. Albin Kurti, i cili njëherit është edhe personifikimi i politikanit të pakorruptuar në vend dhe rajon, atdhedashës e i përkushtuar, po aq sa i thellë intelektualisht”. “Këtej e tutje është koha që ta tregoj me punë besimin që ma dhanë aktivistët dhe anëtarët e Lëvizjes VETËVENDOSJE! në komunën e Lipjanit”. “Edhe njëherë faleminderit e na prift e mbara!”. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Dy të vrarë e 6 të plagosur në kryeqytet më 2024 - kritikë për masat ndëshkuese (VIDEO) 12 orë më parë
Kosova “Jam familjare e Kurteshëve, por s’më punësuan ata, u punësova me meritë” (VIDEO) 12 orë më parë
Kosova Fakulteti Juridik i UP-së në top 3-shën e gjithë botës, Osmani: Sukses historik 13 orë më parë