Arteta zbulon se kur do të kthehet Jesusi

Trajneri Mikel Arteta ka thënë se Arsenali nuk do të nxitohet që Gabriel Jesus të kthehet në fushë.

Reprezentuesi brazilian pati një problem të pafat në gju, ndërsa ishte në detyrë në Kupën e Botës 2022 dhe në fund u detyrua t’i nënshtrohej një operacioni. Ai nuk ka luajtur për Topçinjtë që nga 12 nëntori, por u kthye në stërvitje të plotë përpara se liderët e Premier League të barazonin 2-2 me Sportingun në 1/16 e Ligës së Evropës, transmeton Klankosova.tv.

Jesus nuk u përfshi as në skuadrën e Arsenalit për ndeshjen në Portugali, ndaj Sportingut.

Arteta tregoi për football.london se kur sulmuesi 25-vjeçar mund të shihej përsëri në fushë: “Ne do të përpiqemi të mos e nxitim atë. Ne do të përpiqemi të bëjmë një vlerësim të drejtë midis asaj që ai ka nevojë dhe kur është e rehatshme dhe gjithashtu do t’i japim skuadrës një shtytje që do t’i duhet në javët e ardhshme me siguri. Gjithçka po shkon mirë, atij i duhet gjithashtu kohë për të marrë atë vetëbesim dhe atë gjendje fizike që është e nevojshme për të konkurruar me një mendje të lirë dhe pasi të jetë i lirë ta bëjë këtë, ne do ta hedhim atë brenda”, ka thënë Arteta.

Jesus ka shënuar pesë gola për Topçinjtë deri më tani në sezonin e tij debutues.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.