Arrestohet lipjanasi, hapi profil të rremë në emër të një gruaje

Një person është arrestuar në Janjevë të Lipjanit, nën dyshimin se ka kryer veprën penale “Hyrje në sistemet kompjuterike”.

Sipas Policisë së Kosovës, i arrestuari dyshohet se ka hapur profile të rreme në rrjetet sociale duke përdorur emrin e një gruaje, transmeton Klankosova.tv.

Pas intervistimit, me vendim të prokurorit, i dyshuari është dërguar në mbajtje.