Arrestohen tre zyrtarët policorë për keqtrajtimin e qytetarit gjatë arrestimit në Klinë

Pas grumbullimit të provave dhe analizimit të tyre, Prokuroria Themelore në Pejë në koordinim me Inspektoratin Policor të Kosovës, kanë arrestuar sot tre zyrtarë policorë, të cilët dyshohen se gjatë arrestimit të një personi kanë tejkaluar autorizimet e tyre dhe kanë keqtrajtuar fizikisht të njëjtin derisa i njëjtit ishte i prangosur.

Me urdhër të prokurorit të shtetit, tre të dyshuarit (zyrtarë policorë) janë ndaluar për 48 orë për veprën penale “Keqtrajtim gjatë ushtrimit të detyrës zyrtare ose autorizimeve publike”, transmeton klankosova.tv.

Hetuesit e IPK-së me autorizim të Prokurorisë Themelore në Pejë do të ndërmarrin edhe veprime tjera hetimore drejt ndriçimit të plotë të të gjitha rrethanave që ndërlidhen me këtë rast.

Klan Kosova mëson ekskluzivisht se zyrtarët policorë janë: N.G, Sh.S dhe E.E,

Momenti kur policët keqtrajtojnë të dyshuarin gjatë arrestimit në Klinë (VIDEO)

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.