Arrestohen pesë bashkëpunëtorë të Shqiprim Arifit për keqpërdorim të parave NULL NULL 05.06.2020 10:07 05.06.2020 10:07 “Ata akuzohen për korrupsion në një projekt që ka të bëjë me park fëmijësh, për të cilin Qeveria Haradinaj i ka dhuruar 100 mijë euro”. Të enjten (04 qershor, 2020) policia serbe ka arrestuar tetë persona në Komunën e Preshevës nën dyshimin se kanë keqpërdorur paranë publike. Lajmin për Klan Kosova e ka konfirmuar kryetari i Partisë Demokratike Shqiptare, Ragmi Mustafa, i cili ka theksuar se pesë nga tetë të arrestuarit janë bashkëpunëtorë të kryetarit të Komunës së Preshevës, Shqiprim Arifit. “Janë tetë të arrestuar – njëri është mu në kabinetin e kryetarit dhe është nënkryetar i partisë së tij. Dy janë prej administratës komunale. Një tjetër është shef i buxhetit dhe financave”. “Ata akuzohen për korrupsion në një projekt që ka të bëjë me park fëmijësh, për të cilin Qeveria Haradinaj i ka dhuruar 100 mijë euro”. Mustafa shton se tre të arrestuarit tjerë janë serbë dhe se të njëjtit janë arrestuar për keqpërdorim të parave në të njëjtin projekt. Ai ka kërkuar nga Qeveria e Kosovës që në rastet kur jepen para për Luginën e Preshevës, ato të kontrollohen në mënyrë që mos të keqpërdoren. “Kur të jepen para për Luginë ato edhe të kontrollohen dhe jo t’u lihen në duar matrapazëve që t’i vjedhin ato dhe keqpërdorin”. Klan Kosova ka provuar të marr një prononcim lidhur me këtë rast edhe nga kryetari Shqiprim Arifi, por i njëjti nuk është lajmëruar. klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Dy të vrarë e 6 të plagosur në kryeqytet më 2024 - kritikë për masat ndëshkuese (VIDEO) 28/03/2024