Arrestohen dy të dyshuar për rrahje në Gjakovë, njëri prej tyre nga stafi i policisë NULL NULL 23.05.2023 14:31 23.05.2023 14:31 Foto: Ilustruese Inspektorati Policor i Kosovës ka njoftuar që i ka arrestuar dy të dyshuar për shkaktim të lëndimeve të lehtra trupore. IPK-ja po ashtu ka njoftuar se njëri prej të arrestuarve është zyrtar i stafit civil në polici. “Hetuesit e Inspektoratit Policor të Kosovës janë njoftuar dje në orët e mbrëmjes nga Policia e Kosovës përkatësisht Stacioni Policor Gjakovë se në rrugën ‘Ganimete Tërbeshi’ në Gjakovë kishte ndodhur një incident- rrahje. IPK-ja është njoftuar për këtë rast bazuar në autorizimet ligjore të saj pasi që informacionet ishin se ne këtë rast ishte i përfshirë si i dyshuar edhe një pjesëtar i policisë (zyrtar i stafit civil pa autorizime policore dhe jashtë detyrës zyrtare)”, thuhet në njoftimin e IPK-së. “Hetuesit e IPK-së kanë dalë në vendin e ngjarjes dhe kanë ndërmarrë disa veprime fillestare hetimore duke përfshirë edhe analizimin e disa video pamjeve të incizuara nga kamerat e sigurisë së një lokali”. “Pas ndërmarrjes së disa veprimeve hetimore në koordinim me prokurorinë hetuesit e IPK-së kanë arrestuar dy të dyshuar (zyrtarin e stafit civil dhe një qytetar) me dyshimin se të njëjtit kanë kryer veprën penale ‘lëndim i lehtë trupor’”. Me vendim të prokurorit ata janë ndaluar për dy ditë, teksa priten të ndërmerren hapa të tjerë në bashkëpunim me prokurorinë në fjalë. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Kusari-Lila “e pengon” Tahirin teksa flet në foltore: Këtë detyrë duhet ta kryej Glauku, jo unë 6 minuta më parë