Ardon Jashari shpallet futbollisti më i mirë i sezonit në Belgjikë

Futbollisti Ardon Jashari, është zgjedhur lojtari i sezonit i “Jupiler Pro League” në Belgjikë.

Ky çmim atij iu nda sonte në Antwerpen, ku u mbajt ceremonia zyrtare.

Ai mori 10.77 për qind të votave nga lojtarët e klubeve elitare të futbollit belg.

Pas tij e la bashkëlojtarin, kapitenin Hans Vanaken.

Reprezentuesi i Zvicrës luajti 52 ndeshje për Club Brugge këtë edicion, duke shënuar katër gola.

22 vjeçari kontribuoi edhe me gjashtë asistime.

Mesfushori i Club Brugge po ashtu fitoi edhe çmimin e talentit të sezonit.

Ai me ekipin elitar të Belgjikës ka kontratë deri në vitin 2029.

Por, ndër shumë skuadrat e interesuara për ta transferuar, është edhe gjiganti francez, Paris Saint-Germain.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.