10:21, 11 Shtator 2019

Kur bëhet fjalë për ndeshje konkurruese, Kombëtarja e Kosovës del se është e para që ka realizuar tre gola kundër asaj të Anglisë që nga viti 2007.

Përballja midis dy skuadrave u zhvillua në stadiumin “St Mary’s” dhe përfundoi me rezultat 5-3 në favor për nikoqirët, njofton Klan Kosova.

Pavarësisht pesë golave të shënuara nga anglezët gjatë pjesës së parë, djelmoshat kosovarë arritën të rikuperohen mjaftë mirë gjatë pjesës së dytë duke shënuar edhe dy gola të tjera.

E veçanta e kësaj ndeshje është se asnjë kombëtare nuk i ka shënuar tre gola kundër Anglisë në një ndeshje konkurruese që nga viti 2007.

Hera e fundit kur Anglia ka pësuar tre gola është ajo gjatë ndeshjes me Kroacinë për t’u kualifikuar për Euro 2008.

Në atë përballje, Anglia nuk arriti të kualifikohej në Euro 2008 për shkak të humbjes nga Kroacia me rezultat 2-3.

klankosova.tv

Konkurs Pune

Lexo më shumë