Ambasadorët e shteteve më të fuqishme në Klan Arena për finalen e “EURO 2024”

Klan Arena do të jetë vendi i cili do t’i mirëpres ambasadorët e vendeve më të fuqishme të akredituar në Kosovë.

Ky organizim special organizohet nga Klan Kosova në bashkëpunim me Odën Ekonomike Amerikane, enkas për finalen e “EURO 2024”, ku do të përballen Spanja dhe Anglia.

Përpos që nga afër do të përcillet ndeshja, Artmotion do të ndajë pesë çmime për ata që do ta qëllojnë rezultatin e saktë të finales.

Ndeshja nis nga ora 21:00 dhe luhet në “Olympiastadion” në Berlin.

Për 30 ditë rresht, drejtpërdrejtë dhe ekskluzivisht Klan Kosova dhe Artmotion, i kanë transmetuar të gjitha ndeshje e këtij Kampionati Evropian, vetëm e vetëm për adhuruesit e flaktë të sportit më të bukur në botë, futbollit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.