Aliu i VV-së të mërkurën shkon ta 'çlirojë' Shtimen (VIDEO) - Klan Kosova

Na ndiqni në:


Get it on Google Play Download on the App Store

Aliu i VV-së të mërkurën shkon ta ‘çlirojë’ Shtimen (VIDEO)

NULL NULL
nga Qendresa Sinani 29/11/2021

Votat i mori me 14 nëntor, për t’u bëri i pari i Komunës së Shtimes, por Qemajl Aliu edhe pas 15 ditëve, nuk po e shijon ulësen e të parit të komunës.

Për pranim-dorëzimin e detyrës nuk janë marrë vesh fare me kryetarin në largim, Naim Ismajlin.

Megjithatë, Aliu e ka vendosur 1 dhjetorin datën kur do të shkojë të marrë pushtetin në dorë.

“Të mërkurën në ora 11:00 do të jem në komunën e Shtimes bashkë me stafin tim, dhe aty pres që ta gjejë kryetarin tashmë në largim që ta bëjmë pranim dorëzimin e detyrës”, tha Aliu.

I pari i Shtimes, pati bërë goxha bujë me një deklarim të tijin pas korrjes së fitores, kur tha se Shtimja u çlirua pas 22 vjetësh.

Por, sipas tij, nga rivali i tij politik u tentua  t’i transformohet kjo deklaratë.

Për këtë thënie Aliu thotë se ka marrë edhe kërcënime nga veteranë e anëtarë të shoqatave të dala nga lufta.