Aleatët e NATO-s takohen me Zelenskyn teksa Samiti i Hagës përfundon

Teksa presidenti amerikan Donald Trump po mbante konferencën e tij për shtyp, kryeministri britanik Keir Starmer po takohej me shefin e NATO-s, Mark Rutte, presidentin ukrainas Volodymyr Zelensky dhe udhëheqës të tjerë evropianë.

Duke hapur takimin, Rutte tha: “Mesazhi që del nga ky samit është i qartë: Angazhimi i NATO-s ndaj Ukrainës vazhdon”.

Ai u zotua se NATO do ta mbajë Ukrainën “në luftë” me “mbështetje praktike dhe politike të paparë”, duke përfshirë “ndihmë të gjerë ushtarake”.

Në përgjithësi, masat e dakorduara në samit “e sjellin Ukrainën më afër NATO-s”, vazhdoi Rutte, dhe tha se Zelensky mund të “mbështetet te ne tani dhe në të ardhmen”.

Zelenskyy u përgjigj: “Faleminderit për mbështetjen tuaj të madhe ndaj popullit tonë, ndaj ushtarëve tanë, njerëzve vërtet heroikë. Dhe është gjithashtu shumë mirë që mund të mbështetemi te ju dhe të gjithë anëtarët e aleatëve të NATO-s. Jemi shumë mirënjohës ndaj jush”, shkruan Skynews, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.