Albulena Haxhiu: Kanë kaluar afër 10 orë me pazare të pista

Deputetja e Vetëvendosjes, Albulena Haxhiu, ka komentuar shtyrjen e seancës tash e disa herë dhe pauzat e stërzgjatura në Kuvendin e Kosovës.

“Janë të panumërta skenat e tilla të turpit kur me orë të tëra janë sillur vërdallë nëpër korridoret e Kuvendit për të bërë votat për të votuar diçka në dëm të vendit. Edhe sot po ndodh njësoj”.

Sipas saj, “kanë kaluar afër 10 orë me pazare të pista”.

“Qeveria e pakicës e ka vendosur vendin në pazar andaj duhet të angazhohemi për t’a hequr sa më parë”, ka shkruar Haxhiu në llogarinë e saj në Facebook.