Alarmohen shkencëtarët nga temperaturat e oqeanit

Nxehtësia e sipërfaqes së oqeanit është në nivele rekord. Temperaturat filluan të rriteshin në mes të marsit dhe u rritën në “qiell” gjatë disa javëve, duke i lënë shkencëtarët të përpiqeshin të kuptonin saktësisht pse-në.

Temperaturat kanë rënë që nga maksimumi i tyre në prill – siç ndodh natyrshëm në pranverë – por ato janë ende më të larta se sa kanë qenë ndonjëherë në rekord për këtë periudhë të vitit.

“Është e jashtëzakonshme”, tha Gregory C. Johnson, një oqeanograf në Administratën Kombëtare të Oqeanit dhe Atmosferës, e cila llogarit temperaturën e sipërfaqes së oqeanit duke përdorur një rrjet anijesh, bovash, satelitësh dhe notuesish.

Edhe pse janë ende të dhëna paraprake, nëse ato qëndrojnë, tha ai, “ky është një tjetër moment historik”.

Rekordi mund të mos duket i madh – është gati dy të dhjetat e shkallës më i lartë se rekordi i mëparshëm në 2016 – por duke pasur parasysh se sa nxehtësi nevojitet për të ngrohur këtë trup të madh uji, “është një sasi masive energjie”, tha Matthew England, profesor i dinamikës së oqeanit dhe klimës në Universitetin e Uellsit të Ri Jugor, Australi, raporton CNN, transmeton Klan Kosova.

*Klikoni KËTU për t’u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.