Ahmeti pas takimit me Escobarin: Diskutuam mbi rëndësinë jetike të zgjidhjes së kontestit Kosovë-Serbi

Kryetari i BDI-së, Ali Ahmeti, sot është takuar me të dërguarin e posaçëm të Shteteve të Bashkuara të Amerikës për Ballkanin Perëndimor, Gabriel Escobar.

Ahmeti pas takimit, përmes një statusi në Facebook tha se diskutuan mbi rëndësinë jetike të zgjidhjes së kontestit mes Kosovës dhe Serbisë, përcjell Klankosova.tv.

“Kënaqësi të takoja sot Zëvendës Ndihmës Sekretarin Amerikan të Shtetit dhe Përfaqësuesin Special për Ballkanin Perëndimor, z. Gabriel Escobar dhe Ambasadoren e ShBA-së në vendin tonë, znj. Angela Aggeler”.

“Diskutuam mbi rëndësinë jetike të zgjidhjes së kontestit mes Kosovës dhe Serbisë për stabilitetin dhe ardhmërinë europiane të mbarë rajonit. Shpreha mirënjohje për rolin e jashtëzakonshëm të ShBA-së, në të gjitha proceset e paqebërjes dhe konsolidimit demokratik të vendeve të Ballkanit Perëndimor”, ka shkruar ai.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS.