Ahmeti e lë Prishtinën, lavdëron veten dhe falënderon VV-në e vëllezërit Dehari NULL NULL 06.12.2021 22:56 06.12.2021 22:56 Shpend Ahmeti, i cili deri sot e ka ushtruar postin e kryetarit të Prishtinës, ka falënderuar të gjithë bashkëpunëtorët e tij, përfshirë edhe ata që e kanë kritikuar. Ai tha se kjo është përvoja kryesore e jetës së tij, teksa përmendi edhe gjërat që, sipas tij, janë bërë në të mirë të kryeqytetit, duke përshirë shkolla më të mira, qendra më të mira të Mjekësisë Familjare, administratë më të shpejtë, ujë 24 orë, çerdhe të reja e transport publik të ringjallur. Në letrën e tij lamtumirëse nga posti i kryetarit të Prishtinës, Ahmeti ka falënderuar ish-partinë e tij, Lëvizjen Vetëvendosje, e me theks të veçantë dy vëllezërit, Arbënor e Astrit Dehari. “Falenderoj Lëvizjen Vetëvendosje dhe secilin aktivist që ka punuar që unë të zgjidhem kryetar, me theks të veçantë te dy vëllezërit kyç në fitoren tonë, Arbënor e Astrit Dehari”, ka shkruar Ahmeti në llogarinë e tij në Facebook, transmeton Klankosova.tv. Tutje, ai ka falënderuar edhe Partinë Socialdemokrate, ku tha se i janë gjetur në kohët më të vështira e edhe asamblistët e të gjitha partive në Kuvendin Komunal të Prishtinës. “Falenderoj çdo asamblist që na ka mbështetur e na ka kundërshtuar dhe partitë e tyre, AAK-në AKR-në dhe LB-në që i kemi pasur në koalicion e edhe LDK-në e PDK-në, që kanë qenë në opozitë. Falenderoj PSD-në që më dhanë mbështetjen në kohët më të vështira”, është shprehur Ahmeti, përcjell Klankosova.tv. Ndërsa, për kryetarin e zgjedhur të Prishtinës, Përparim Rama, Shpend Ahmeti tha se nuk do t’i përzihet në punët e tij, por do t’ia ofrojë gjithnjë ndihmën e nevojshme. “Përparimin e njoh moti dhe e kam mik. I kam thënë se nuk do t’i përzihem asnjëherë në punë por do t’i përgjigjem për çdo kërkesë. Siç ka thënë Ali Zatriqi, me rastin e pensionimit nga Televizioni kur i është dhuruar një orë dore – unë që po dal po e di sa është sahati, po ju që po metni”, shkroi Ahmeti, njofton Klankosova.tv. Më poshtë mund ta gjeni postimin e plotë të Ahmetit: Sot e kam diten e fundit në postin e Kryetarit të qytetit më të mire në botë, Prishtinës! Falemnderit për mbështetjen, kritikën, votën, votën kundër dhe për secilin kontribut që e keni dhënë për Prishtinën tone. Kemi rrugëtuar bashkë. Për mua sigurisht se është përvoja kryesore e jetës. Për tetë vite kemi përmirësuar dukshëm jetën në qytetin! Sot kemi: Shkolla më të mira dhe të digjitalizuara Qendra më të të mira të Mjekësisë Familjare (mbi 2 milion shërbime në vit dhe reagimi mesatar I urgjencës është nën shtatë minuta) Administratë më të shpejtë më të dixhitalizuar (mbi 600 mijë certifikata të lëshuara nga aparatet tona vetëshërbyese) Më shumë ndriçim e pastërti, e më shumë kanalizime të shtruara Dhe dyfish (pak më shumë se dyfish) çerdhe të reja Sot kemi: Ujë 24 orë Tension më të mire dhe stabil të rrymës Ngrohje qëndrore cilësore Transport publik të ringjallur dhe në kompletim e sipër Ndërtesa kolektvie të riparuara e të shërbyera më shumë (mbi 500 hyrje) nga organet tona Shërbim të parkingut që do ti sjellë Prishtinës të hyra për investime tjera Sot kemi: Më shumë ngjarje kulturore dhe trefish më shumë buxhet për kulturë Më shumë ngjarje të mbëtshtëtura dhe organizuara nga Komuna e Prishtinës Më shumë sportistë të mbështetur nga komuna Dhe më shumë salla në shërbim të qytetarëve tonë Sot kemi Dy kuzhina popullore që shërbejnë çdo ditë shujta të ngrohta Mbrojtje për gjashtë grupe të rrezikuara Ndihmë për institucionet sociale Më shumë mbrotje për komunitetet minoritare Më shumë mbrojtje për komunitetin LGBT Dhe më shumë mbrotjejpër pensionistët tone që I kanë tri qendra tani për qëndrim ditor, transport publik falas e beneficione të tjera Më shumë strehim dhe Qendren e pare për Autizëm dhe Sindromën Down në Kosovë Sot kemi Më shumë vizita të turistëve Organizimin e një prej bienaleve më të mëdha në Evropë – Manifesta në 2022 Kontratën e Salles Koncertale dhe prokurimin e sallës së re të sporteve me dorë tek Stacioni I Autobusëve Parkingun më të madh nëntokësor të ndërtuar deri më tani në Kosovë Festivalin më të mire në regjion Sunny Hill Pejsazhin më të madh të mbrojtur në Kosovë, Germinë të rritur nga 950 në 2000 hektarë Ndër festivalet më të mira të grafiteve në Evropë Sot Prishtina është kryeqyteti më transparent në Evropëi shpallur nga Transparency International Transprencë totale me 100 pikë që disa vite me radhë Me shpenzime minimale për dreka darka e udhëtime Luftë kundër korrupcinonit nga brenda me vendime gjyqësore të plotëfuqishme nga Gjykatat për shkelësit dhe pa skandale në ruajtjen e parasë publike në ofrimin e shërbimeve komunale Administrate të barabartë gjinore me gjysmen e drejtoreve gra e femra Raporte të auditimit të pakualifikuara për krejt këto vite Dhe publikim të secilit dokument që komuna e Prishtinës e ka në mbajtje Sot Jemi më të sigurtë me më pak krime e aksidente Sot kemi të ngritura mbi 200 milion euro fonde për investime: Financimin e Unazës (mbi 120 milion euro) për të cilin është prezantuar raporti final dhe dizajni final Financimin e siguruar për Ngrohjen qendrore me panele solare (mbi 70 milion) për lagjet me banim individual – projekti I dytë më I madh në Evropë I tillë pas Danimarkës Financimin e 30 autobusëve shtesë (prej të cilëve 8 elektrik) në fazën e fundit të implementimit Kontratat e nënshkruara për tri shkolla të reja në Veternik, Sofali e Mat, pasuar nga Arbëria me sistemin PFI Sot jemi me projektin më të madh me donatorë në bujqësi në Llap e Gollak me qeverinë austriake A do të thotë se këto mjaftojnë! Natyrisht se jo. Ka problem me ndërtim e planifikim, ka problem me qenë endacake e me trafik. Do të ketë problem në 2025 e 2029 sepse gjithmonë duhet të kërkojmë përmirësimin, edhe pse mundësitë financiare janë të vogla. Por me rëndësi është që sot jetohet një jetë shumë më e mire për shkak të përmirësimeve në tetë vitet e fundit në çdo fush. Tash duhet të ketë edhe më shumë përmirësime. Përparimin e njoh moti dhe e kam mik. Sa here kam qenë në Londër më ka pritur e përcjellur. Më ka ndihmuar në çdo pyetje që kam pas dhe është angazhuar maksimalisht e vullnetarisht në ide urbanistike, si salla koncertale, Ulpiana, Qendra e Manifesta. Ka organizuar shumë gjëra për komunitetin Shqiptar në Angli dhe këmbën nuk e ka larguar asnjëherë nga Kosova me punë, vullnetarizëm e ndihmë. Atij I dëshiroj të gjitha të mirat. I kam thënë se nuk do ti përzihem asnjëherë në punë por do ti përgjigjem për çdo kërkesë. Sic ka thënë Ali Zatriqi me rastin e pensionimit nga Televizioni kur I është dhuruar një orë dore – unë që po dal po e di sa është sahati po ju që po metni 🙂 Ju falenderoj cdonjërin për ndhmën, falenderoj cdo drejtor nga të dy mandatet, cdo shërbyes civil të komunës së Prishtinës, cdo të angazhuar në cdo formë, prej pastruesit të vlefshëm të qytetit e deri kuzhinieret në Kuzhinën qëndrore, Puna juaj është më e vlefshme se e jona. Falenderoj mediat për monitorimin e vazdhueshëm që na e kanë bërë. Na kanë bërë më të mirë. Falenderoj nënkryetarët Muhedinin e Selimin! E Kryesuesit Halim Halimi, e Agim Kuleta! Falenderoj Lëvizjën Vetëvendosje dhe secilin aktivist që ka punuar që unë të zgjidhem kryetar, me theks të vecantë tek dy vëllezërit kyq në fitoren tone, Arbënor e Astrit Dehari. Falenderoj cdo asambleist që na ka mbështetur e na ka kundërshtuar dhe Partitë e tyre, AAKnë AKRnë e dhe LBnë që I kemi pas në koalicion e edhe LDKnë e PDKnë që kanë qenë në opozitë. Falenderoj PSD-në që më dhanë mbështetjen në kohët më të vështira. Falenderim mjekëve për punën e jashtëzakonshme gjatë Covidit dhe angazhimin e tyre maksimal. Ekipen e jashtëzakonshme që spo I përmendi me emra në kabinet e drejtori. Më përkrahët, më mbrojtët e ruajtët dhe I qëndruat presioneve. Posaqerisht e falenderoj mikun tim dhe bashkëudhëtarin tim politik Dardan Sejdiu pa të cilin nuk do ti bënim këto punë e as nuk do të isha këtu dy mandate. Dhe në fund falemnderit Ardianës Teas dhe Anrit që më duruan apo që duruan mosprezencen time në shpi, E Ardianën edhe më shumë për punën vullnetare që ka bo në Komunë në plotë projekte. Nanën dhe vëllaun tim për mbështetjen tërë kohën dhe asistentin tim Xili Ismaili që e ka bajt përgjegjësinë e të qenit kryetar e të bertitmen teme të vazhdueshme. Kërkoj falje nga secili qytetar për shqetësimet që mund të ja u kam shkaktuar me vendimet politike. Kanë qenë dhe vazhdojnë të jenë me qëllim të mire. Dëshira jonë dhe puna jonë ka qenë gjithmonë me qëllim të rritjes sëcilësisë së jetës duke ruajtur qeverisjen e pastër dhe të drejtë. Ju duhet të kërkoni edhe më shumë. Për mua ishte kënaqësi të jem në shërbimin Tuaj! Përherë e përjetë do të jem shërbëtor I qytetit në cdo formë që kam mundësi. Të dua Prishtina Ju Dua Prishtinali! Perpo, the floor is yours! Over and out! *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Kurti vizitoi për ngushëllime familjen e gazetarit e shkrimtarit të njohur, Bajram Sefaj 17/03/2024