Agjencia e OKB-së konfirmon se sulmi izraelit dëmtoi centralin bërthamor në Arak të Iranit

Mbikëqyrësi global bërthamor ka konfirmuar se një sulm izraelit ndaj një centrali bërthamor iranian në ndërtim e sipër pranë qytetit të Arak shkaktoi dëme në “ndërtesa kyçe”.

Avionët luftarakë izraelitë bombarduan reaktorin e ujit të rëndë në Arak të enjten, megjithëse IAEA tha se objekti nuk përmbante material bërthamor.

Reaktorët e ujit të rëndë përdorin një lloj uji kimikisht të dallueshëm si ftohës, raporton BBC, transmeton Klankosova.tv

Reaktorët si objekti i Arak, 250 kilometra në jugperëndim të Teheranit, mund të përdoren për qëllime shkencore, por si nënprodukt krijojnë plutonium, i cili mund të përdoret për të bërë armë bërthamore.

Në një deklaratë, kreu i IAEA-s, Rafael Grossi, thotë se ndërsa nuk ka pasur “incident të madh radiologjik” si rezultat i sulmeve izraelite, ende ekziston rreziku i një “aksidenti radiologjik”.

“Në këto rrethana sfiduese dhe komplekse”, thuhet në deklaratë, “është thelbësore që IAEA të marrë informacion teknik në kohë dhe të rregullt në lidhje me objektet bërthamore”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.